ФИНАЛ НӘТИЖЕЛЕРІ

Турнир жаңалықтарын әлеуметтік желілер арқылы қадағалап отырыңыздар

жоғарғы сынып оқушылары арасындағы республикалық онлайн турнир

Онлайн турнир спорт, ХХ ғасыр, ХХІ ғасыр,
әлемде, өнер, Қазақстан тарихы,
Қазақстан табиғаты, денсаулық,
ғылым тақырыптарындағы
30 000 астам сұрақтардан тұратын
«Кім білгіш?» интеллектуалды-танымдық
ойыны негізінде өтеді.

«Кім білгіш?» мобильді ойыны бойынша республикалық онлайн турнир

«Кім білгіш?» мобильді ойыны Бірінші арнада өтетін және оқушылар арасында үлкен қызығушылыққа ие болған «Умники и умницы» ойынының баламасы болып табылады. Біздің турнирдің ерекшелігі – онлайн өткізіледі, ойынға кез келген жоғарғы сынып оқушысы қатыса алады. Бағдарлама оқушыларға өз бетімен, сонымен қатар ортақ турнирлерде дайындалуға мүмкіндік береді. Турнир ойыншының таңдауы бойынша қазақ, орыс немесе ағылшын тілінде өткізіледі. Қатысушылар таңдаған тілге сәйкес топтарға бөлінеді.

Қосымшаны телефоныңызға жүктеңіз

tournament

«Кім білгіш?» республикалық онлайн турнирінің қорытындысы шығарылды

«Назарбаев орталығында» Қазақстан Республикасы Тұңғыш Президенті – Елбасының Қоры мен Мемлекеттік тілді дамыту қоры жариялаған «Кім білгіш?» интеллектуалды-танымдық ойыны бойынша жоғарғы сыныптар арасында өткен республикалық онлайн турнирінің қорытындысы шығарылды.

Іс-шараға Қазақстан Республикасы Тұңғыш Президенті – Елбасы Қоры директорының орынбасары Султан Айтжанов, Мемлекеттік тілді дамыту қорының директоры Азат Шәуеев қатысты.

Қазақстан Республикасы Тұңғыш Президенті – Елбасының Қоры директоры Қанат Жұмабаев: «Кім білгіш?» турнирі сәтті жоба болғандықтан, ойын жылдан жылға танымал болып келеді, сол себепті 2019 жылы да өткізуді жоспарлап отырмыз» - деді.

Екі кезеңнен тұратын турнир онлайн түрінде, жазғы демалыс кезінде өтті. Осы жылы Республиканың әртүрлі өңірлеріндегі оқушылар белсенділік танытып, 7 мыңға жуық мектеп оқушылары қатысты. Финалға ең көп ұпай жинаған 8 оқушы өтті.

Осылайша, қазақтілді ойыншылар арасында 1 орынға Орал қаласынан 11 сынып оқушысы Исабек Мұратов, 2 орынға Алматы қаласынан 11 сынып оқушысы Нұрайша Қайысбекова, 3 орынға Шымкент қаласынан 10 сынып оқушысы Әміржан Құдайберген ие болды.

Орыстілді ойыншылар арасында 1 орынға Семей қаласынан 11 сынып оқушысы Антон Мануленко, 2 орынға Алматы облысынан 10 сынып оқушысы Рамиля Ахмет, 3 орынға Алматы қаласынан 10 сынып оқушысы Ерасыл Ернарұлы ие болды. Финалға қатысқан екі ойыншы арнайы диплом мен ынталандыру сыйлығына ие болды.

Турнирдің жеңімпаздарына «2018 жылдың ең ақылды оқушысы» атты арнайы диплом мен ноутбук, планшет, смартфон сияқты бағалы сыйлықтар табысталды. 

ТУРНИРДІ ӘЛЕУМЕТТІК ЖЕЛІЛЕР
АРҚЫЛЫ ҚАДАҒАЛАП ОТЫРЫҢЫЗДАР