Финал

Турнир жаңалықтарын әлеуметтік желілер арқылы қадағалап отырыңыздар

жоғарғы сынып оқушылары арасындағы халықаралық онлайн турнир

Онлайн турнир спорт, ХХ ғасыр, ХХІ ғасыр,
әлемде, өнер, Қазақстан тарихы,
Қазақстан табиғаты, денсаулық,
ғылым тақырыптарындағы
35 000 астам сұрақтардан тұратын
«Кім білгіш?» интеллектуалды-танымдық
ойыны негізінде өтеді.

«Кім білгіш?» мобильді ойыны бойынша халықаралық онлайн турнир

«Кім білгіш?» мобильді ойыны Бірінші арнада өтетін және оқушылар арасында үлкен қызығушылыққа ие болған «Умники и умницы» ойынының баламасы болып табылады. Біздің турнирдің ерекшелігі – онлайн өткізіледі, ойынға кез келген жоғарғы сынып оқушысы қатыса алады. Бағдарлама оқушыларға өз бетімен, сонымен қатар ортақ турнирлерде дайындалуға мүмкіндік береді. Турнир ойыншының таңдауы бойынша қазақ, орыс немесе ағылшын тілінде өткізіледі. Қатысушылар таңдаған тілге сәйкес топтарға бөлінеді.

Қосымшаны телефоныңызға жүктеңіз

tournament

Баспасөз хабарламасы

«Nazarbaev ortalygy» Даму орталығында Нұрсұлтан Назарбаев Қоры мен Мемлекеттік тілді дамыту қоры жариялаған «Кім білгіш?» интеллектуалды-танымдық ойыны бойынша  жоғарғы сынып оқушылары арасында ұйымдастырылған турнирдің финалдық ойыны және марапаттау рәсімі өтті. Іс-шараға Нұрсұлтан Назарбаев Қорының жобалау офисінің жетекшісі Түркменбаева Зәуре және Мемлекеттік тілді дамыту қорының басшысы Азат Шәуеев қатысты. Жобаның мақсаты – дарынды балаларды анықтау, олардың танымдық қызығушылықтарын ояту, оқушылардың мәдени және білім деңгейін көтеру, сондай-ақ мектеп оқушылары арасында бос уақытты тиімді ұйымдастыруға ықпал ету.

Осы жылы оқушылар республиканың әр өңірінен белсенділік танытып, турнирге 3000-ға жуық мектеп оқушылары қатысты. Ойынның екі кезеңі онлайн режимінде өткізілді. Қорытынды финал Нұр-Сұлтан қаласында өткізіліп, үздік ойыншылар бір-бірімен эрудиция және жылдамдығымен жарысты.

Осылайша, қазақтілді ойыншылар арасында 1 орынға Түркістан об. Күлтөбе орта мектебінің 9 сынып оқушысы Жолтай Гүлайым, 2 орынға Ақмола облысының №2 орта мектебінің 9 сынып оқушысы Қантай Даулет, 3 орынға Ақмола облысының №2 орта мектебінің 10 сынып оқушысы Асылбек Ботакөз ие болды.

Орыс тілді ойыншылар арасында 1 орынға Павлодар об., Ақсу қ., №4 орта мектебінің 11 сынып оқушысы Седова Анастасия, 2 орынға Павлодар об., Ақсу қ., №8 орта мектебінің 11 сынып оқушысы Новак Мария, 3 орынға Жамбыл об., Тараз қ., №3 мектеп-лицейінің 11 сынып оқушысы Орынбасар Асыл ие болды.

Турнирдің жеңімпаздарына «2020 жылдың ең ақылды оқушысы» атты арнайы диплом мен ноутбук сияқты бағалы сыйлықтар табысталды.

Финалға қатысқан Алматы об., Іле ауданы, Өтеген батыр ауылы, №38 мектеп-гимназиясының 10 сынып оқушысы Дархан Камила, Алматы қ., №176 мектеп-гимназиясының 10 сынып оқушысы Жалғас Нұрайдан, Жамбыл об., Мойынқұм ауданы, Бірлік ауылы, Қ.Рысқұлбеков орта мектебінің 11 сынып оқушысы Төлебай Тоқжан, Қызылорда об., Шиелі ауданы, №46 мектеп-лицейінің 11 сынып оқушысы Күлімбетов Қабланбек, Ақмола об., Көкшетау қ., Көкшетау қаласындағы физика-математика бағытындағы Назарбаев Зияткерлік мектебінің 12 сынып оқушысы Бекин Омар арнайы диплом мен смартфонға ие болды.

ТУРНИРДІ ӘЛЕУМЕТТІК ЖЕЛІЛЕР
АРҚЫЛЫ ҚАДАҒАЛАП ОТЫРЫҢЫЗДАР